பவானி, -அம்மாபேட்டையை அடுத்த பூதப்பாடி அருகே மொண்டிபாளையத்தில், பிரசித்தி பெற்ற தன்னாசி முனியப்பன் கோவில் உள்ளது. இங்கு ஆடி மாதத்தில் பொங்கல் பண்டிகை விமரிசையாக நடப்பது வழக்கம். நடப்பாண்டு விழா கடந்த மாதம் பூச்சாட்டுதலுடன் தொடங்கியது. முக்கிய நிகழ்வாக நேற்று காலை, அம்மாபேட்டை காவிரி ஆற்றிற்கு சென்று, மக்கள் தீர்த்தம் எடுத்து வந்தனர். பல்வேறு திரவியங்களுடன் அபிஷேகம் நடந்தது.