பருப்பு வியாபாரம் மந்தம்

கோபி, டிச. 22-

கோபி அருகே மொடச்சூரில், பருப்பு மற்றும் பயிர் விற்பனைக்கான வாரச்சந்தை நேற்று கூடியது. துவரம் பருப்பு (கிலோ), 170 ரூபாய், குண்டு உளுந்து, 140, பச்சை பயிர், பாசிப்பருப்பு, தட்டை பயிர், தலா 130 ரூபாய்க்கு விற்பனையானது.

கொள்ளு, கடுகு, தலா 100 ரூபாய், சீரகம், 400, மல்லி, 100 முதல், 160 ரூபாய்; பொட்டுக்கடலை, வெந்தயம் தலா 120 ரூபாய், வரமிளகாய், 200, பூண்டு, 360, கடலைப்பருப்பு, 110, மிளகு, 780, பச்சை பட்டாணி, 220, அவரைப்பருப்பு, 150, கருப்பு சுண்டல், 90, வெள்ளை சுண்டல், 110 ரூபாய்க்கும் விற்பனையாது. ஆண்டுதோறும் தை மற்றும் மாசி மாதங்களில், புதிய பருப்பு மற்றும் பயிர் ரகம் வரத்தாகும். அப்போது மொத்த கொள்முதல் வியாபாரம் களைகட்டும். தற்போது சில்லரை வியாபாரம் மட்டுமே நன்றாக உள்ளதாக வியாபாரிகள் கூறினர்.