இதேபோல் பாரியூர் ஆதிநாராயண பெருமாள் கோவில் மற்றும் அமரபணீஸ்வரர் கோவில் அருகே இயங்கும் நெல் கொள்முதல் நிலையத்திலும் மழை நீர் புகுந்து, நுாறு நெல் மூட்டைகள் வரை நனைந்து சேதமானது.

இதுகுறித்து பாசன விவசாயிகள் கூறியதாவது:

புதுக்கரைப்புதுார் கொள்முதல் நிலையத்துக்கு நெல் கொண்டு வந்து, பத்து நாட்களை கடந்தும், எடை போட்டு லாரிகளில் ஏற்றி செல்லவில்லை. இதனால் நெல்லை பாதுகாக்க தார்பாய் வாடகை, பராமரிப்பு செலவு செய்ய வேண்டியுள்ளது. இதுவரை புதுக்கரைப்புதுாரில், 323 பேர் டோக்கன் பெற்றதில், 123 பேரின் நெல் மூட்டை மட்டுமே எடுத்து செல்லப்பட்டுள்ளது. எஞ்சிய, 200 விவசாயிகளின் நெல், இன்னும் எடையாகி மூட்டையாகமால் தேங்கி உள்ளது.

மூட்டையாக, குவியலாகவும் உள்ள நெல்மணி, மழையில் நனைவதால் நாற்றாக முளைத்து விடும். எனவே மாவட்ட நிர்வாகம் மழைக்காலத்தை கருத்தில் கொண்டு, போர்க்கால அடிப்படையில் விரைந்து நெல் மூட்டைகளை ஏற்றி செல்ல வழிவகை செய்ய வேண்டும்.

இவ்வாறு கூறினர்.