டானா புதுார், நொச்சிக்குட்டை, தோட்ட சாலை, அம்மன் நகர் உள்ளிட்ட பகுதிகளில் ஒரு மணி நேரத்திற்கு மேலாக மழை வெளுத்து வாங்கியது. இதனால் நகராட்சிக்கு உட்பட்ட தோட்ட சாலை, அம்மன் நகர் பகுதியில் மழை நீருடன் கழிவு நீரும் சேர்ந்து ஓடி கடும் துர்நாற்றம் வீசியது. அதேசமயம் நம்பியூர் மற்றும் சத்தியமங்கலம் சாலையிலும் மழைநீர் தேங்கியது. இதனால் வாகன ஓட்டிகள் கடும் அவதிக்கு ஆளாகினர். முறையாக சாலை மற்றும் வடிகால் அமைக்காததால், ஒவ்வொரு மழையின் போதும் கழிவு நீருடன் மழை நீர் கலந்து தேங்கி தவிப்பது தொடர்வதாக மக்கள் வேதனை தெரிவித்தனர்.