இந்நிலையில் ஹரிஹரசுதனுக்கு சொந்தமான இரு ஆடுகள், கழுத்து பகுதியில் நேற்று வீக்கம் ஏற்பட்டு திடீரென இறந்தன. மேலும் மூன்று ஆடுகள் உடல் சோர்வுடன் காணப்பட்டன. அவர் தகவலின்படி சென்ற கால்நடைதுறையினர், உயிரிழந்த ஆடுகளின் குடல், இரைப்பையை ஆய்வுக்கு எடுத்து சென்றனர். மூன்று தினங்களுக்கு முன் இதே பகுதியில் அழகேசன் என்பவருக்கு சொந்தமான, மூன்று ஆடுகள் கழுத்துப் பகுதியில் வீங்கி இறந்துள்ளன. இதனால் ஆடு வளர்ப்போர் பீதி அடைந்துள்ளனர். கால்நடைத்துறையினர் நோயை கண்டுபிடித்து, அதற்கான சிகிச்சை அளித்தால் மட்டுமே, மற்ற ஆடுகளை காப்பற்ற முடியும் என்று, இப்பகுதி விவசாயிகள் தெரிவித்தனர்.