ஈரோடு, திருச்செங்கோட்டை சேர்ந்தவர் நல்லம்மாள், 60; அதீத வயிற்று வலியால் மூச்சுத்திணறல் ஏற்பட்டு நடக்க முடியாத நிலை ஏற்பட்டது. ஈரோடு கே.எம்.சி.ஹெச்., மருத்துவமனையில் சேர்ந்தார். பரிசோதனையில் மண்ணீரலில் வீக்கம் ஏற்ப்பட்டு வயிற்றில் பெரிய கட்டி உடைந்த நிலையில் இருப்பது கண்டறியப்பட்டது. உடனடியாக அறுவை சிகிச்சை செய்ய வேண்டிய சூழல் இருந்தது. பொது அறுவை சிகிச்சை மருத்துவர் மோகன் தலைமையிலான குழு, அறுவை சிகிச்சை செய்து, 12 லிட்டர் அளவு கால்சியம் படிந்த திரவக்கட்டியை அகற்றினர். இக்கட்டி மண்ணீரலில் இருந்தே உருவாகி இருந்தது. ஓரிரு நாளில் தீவிர சிகிச்சை பிரிவில் இருந்து சாதாரண வார்டுக்கு மாற்றப்பட்டார்.