ஈரோடு, பள்ளி கல்வித்துறை சார்பில், தலைமை ஆசிரியர்களுக்கு மாநில அளவிலான அடைவு தேர்வு ஆய்வு கூட்டம் ஈரோட்டில் நேற்று நடந்தது. சென்னிமலை, பவானிசாகர், ஈரோடு மற்றும் மொடக்குறிச்சி வட்டாரங்களை சேர்ந்த, தலைமை ஆசிரியர், ஆசிரியர் பயிற்றுனர்கள் என, ௫௦௦க்கும் மேற்பட்டோர் பங்கேற்றனர். பள்ளி கல்வித்துறை அமைச்சர் மகேஷ், முதன்மை கல்வி அலுவலர் சுப்பாராவ் உள்ளிட்டோர் பங்கேற்றனர். 3, 5, 8ம் வகுப்பு கற்றல் அடைவு திறனில் கடைசியில் இருந்து மூன்றாவது மாவட்டமாக ஈரோடு உள்ளது. இதுவரை, 16 மாவட்டங்களில் ஆய்வு நடத்தப்பட்டுள்ளது.