ஈரோட்டில், கரூர் பிரதான சாலையில் உள்ள கொள்ளுக்காடுமேடு அரசு சிறுவர்கள் இல்லத்தில், கரூர் மாவட்டம் குளித்தலை க.பேட்டையை சேர்ந்த விருதகிரி, 13, தங்கியிருந்தார். லக்காபுரம் அரசு மேல்நிலை பள்ளியில் எட்டாம் வகுப்பு படிக்கிறார்.

கடந்த, 10ம் தேதி காலை, மூன்றாவது பாட வேளையில் வகுப்பறையில் விருதகிரி இல்லை. இதுபற்றி ஆசிரியர் சாந்தி, சக மாணவர்களிடம் கேட்டபோது, கழிப்பறைக்கு சென்றதாக தெரிவித்துள்ளனர். சக மாணவர்களை அனுப்பி பார்த்தபோது விருதகிரி இல்லை.

தலைமை ஆசிரியை கலைச்செல்வி அளித்த புகாரில், மொடக்குறிச்சி போலீசார் வழக்கு பதிந்து, விசாரித்து வருகின்றனர்.

பள்ளி கல்வித்துறை அதிகாரிகள் கூறுகையில், 'இதுகுறித்து விளக்கம் கேட்டு கலைச்செல்விக்கு நோட்டீஸ் அனுப்பியுள்ளோம். அது கிடைக்க பெற்றவுடன் உரிய நடவடிக்கை மேற்கொள்ளப்படும்' என்றனர்.