அப்போது, வாழைக்காய் லோடு ஏற்றிச் சென்ற வேன் டிரைவரிடம், குடிபோதையில் பணம் கேட்டு மிரட்டியதாக, போலீஸ்காரர் மீது புகார் எழுந்தது.

இது தொடர்பான வீடியோ பரவியது. பவானி டி.எஸ்.பி., சந்திரசேகரன் விசாரணை அடிப்படையில், செல்வக்குமாரை நான்கு நாட்களுக்கு முன் சஸ்பெண்ட் செய்து, எஸ்.பி., ஜவஹர் உத்தரவிட்டார்.

இந்நிலையில், செல்வக்குமார் நேற்று வீட்டில் துாக்கிட்டு தற்கொலை செய்து கொண்டார். இதனால், அதிர்ச்சி அடைந்த அவரின் உறவினர்கள், போலீஸ்காரர் செல்வக்குமாருடன் வாக்குவாதம் செய்த வீடியோவை பதிவிட்டவர்கள் மீது நடவடிக்கை எடுக்கக் கோரி நேற்று மதியம் சாலை மறியலில் ஈடுபட்டனர். உரிய நடவடிக்கை எடுப்பதாக அதிகாரிகள் கூறவே, கலைந்து சென்றனர்.