ஈரோடு: ஈரோட்டில் பன்னீர்செல்வம் பார்க்கில் இருந்து, மணிக்கூண்டு வழியாக சத்தி ரோடு சந்திப்பு, எல்லை மாரியம்மன் கோவில் வரை, இருபுறமும் ஆக்கிரமிப்புகள் இருந்தன. கடந்த, 15ம் தேதி மாநகராட்சி நிர்வாகம் சார்பில், இந்த சாலைகளில் ஆக்கிரமிப்புகளை அகற்றும் பணி நடந்தது. மொத்தம், 1 கி.மீ., துாரத்துக்கும் மேலாக, 300க்கும் மேற்பட்ட ஆக்கிரமிப்புகள் அகற்றப்பட்டன. ஆனால் ஒரு சில கடைக்காரர்கள், ஆக்கிரமிப்பு அகற்றத்தில் மாநகராட்சி நிர்வாகம் பராபட்சமாக செயல்படுவதாக புகார் தெரிவித்து, பணி நடந்தபோதே போராட்டத்தில் ஈடுபட்டனர்.