ஈரோடு: ஈரோட்டில் சூளை பாரதி நகரில், ஓடையில் ரசாயன கழிவு கொட்ட வந்த டேங்கர் லாரியை, அப்பகுதி மக்கள் சிறைபிடித்தனர். மாசு கட்டுப்பாட்டு வாரியத்தினரிடம் ஒப்படைக்கப்பட்ட டேங்கர் லாரி, ஈரோடு தாலுகா அலுவலக வளாகத்தில், கடந்த, ௧ம் தேதி நிறுத்தி வைக்கப்பட்டுள்ளது. லாரியில் இருந்து அவ்வப்போது ரசாயன கழிவு நெடி பரவுவதாக புகார் எழுந்துள்ளது. ரசாயன கழிவு நீரை அகற்ற மாசு கட்டுப்பாட்டு வாரியம் நடவடிக்கை எடுக்காத நிலையில், ரசாயன கழிவு நெடி பரவுவது, அதிர்ச்சியை ஏற்படுத்தியுள்ளது.