தாளவாடி :தாளவாடி மலையில் சிக்கள்ளி, சூசைபுரம், திகினாரை, அருள்வாடி, கொங்கள்ளி மற்றும் ஆசனுார் சுற்று வட்டார பகுதிகளான தலமலை, அரேபாளையம், நெய்தாளபுரம் உள்ளிட்ட சுற்று வட்டார பகுதிகளில் நேற்று காலை முதலே வெயிலின் தாக்கம் அதிகமாக இருந்தது. மதியம் திடீரென கருமேகங்கள் திரண்டு மழை பெய்ய தொடங்கியது. அரை மணி நேரம் அதே வேகத்தில் பெய்த நிலையில் படிப்படியாக குறைந்தது. மழையுடன் பல இடங்களில் பலத்த சூறாவளி காற்றும் வீசியது. இதனால் ஆயிரக்கணக்கான வாழை மரங்கள் சாய்ந்தும், முறிந்தும் விழுந்தன.