இதில் இறந்து போனவர் உ.பி., மாநிலத்தை சேர்ந்த முகமது பைசன், 22, என தெரிந்தது. போலீசில் சிக்கியது அதே பகுதியை சேர்ந்த முகமது நுார், 26, சுப்ரன், 18, என தெரிய வந்தது. இவர்கள் மூவரும் நெச்சிபாளையம் புதுாரில், ஒரு தனியார் நிறுவனத்தில் தங்கி, துணியை அரைத்து நுாலாக செய்யும் வேலையில் கடந்த சில மாதமாக செய்கின்றனர். கடந்த, 12ம் தேதி மூவரும் மது அருந்தியுள்ளனர். முகமது பைசன், முகமது நுார் மனைவியுடன் கள்ளத்தொடர்பில் இருந்துள்ளார். இந்த ஆத்திரத்தில் இருவரும், போதை தலைக்கேறிய நிலையில் பைசனை பின்பக்கம் தலையில் கட்டையால் தாக்கி கொன்றுள்ளனர். சடலத்தை சாக்குப்பையில் கட்டி வாய்க்காலில் வீசியதாகவும் தெரிவித்தனர். இருவரையும் போலீசார் கைது செய்தனர்.