அந்தியூர், அந்தியூர் குருநாதசுவாமி கோவிலில் நடப்பாண்டு ஆடி மாத தேர்த்திருவிழா கடந்த மாதம், 23ல் பூச்சாட்டுதலுடன் துவங்கியது. 30ல் கொடியேற்றம் நடந்து, நாள்தோறும் குருநாதசுவாமிகு சிறப்பு பூஜை, அலங்காரம் நடந்து வருகிறது. முதல் வன பூஜை இன்று காலை, 9:30 மணிக்கு நடக்கிறது. இதற்காக புதுப்பாளையம் மடப்பள்ளியிலிருந்து காமாட்சியம்மன், பெருமாள், குருநாதசுவாமி சப்பர தேரில், ௩ கி.மீ., துாரத்திலுள்ள வன கோவிலுக்கு பக்தர்கள் தோளில் சுமந்து செல்வர். இதில் ஆயிரத்துக்கும் மேற்பட்ட பக்தர்கள் கலந்து கொள்வர். இந்நிலையில் பவானி கூடுதுறையிலிருந்து, 50க்கும் மேற்பட்ட பக்தர்கள், நேற்று தீர்த்தம் கொண்டு வந்து, குருநாதசுவாமிக்கு அபிஷேகம் செய்து வழிபட்டனர்.