ஈரோடு, ஈரோடு, காரைவாய்க்கால் கரையில் அமைந்திருக்கும் சுயம்பு நாகர் ஆலயத்தில், விஸ்வபிரம்ம ஜெயந்தி விழா நேற்று நடந்தது. காலை 6:05 மணிக்கு விஸ்வகர்ம சுப்ரபாதத்துடன் கொடியேற்றப்பட்டது. தொடர்ந்து விஸ்வேஸ்வரர் பூஜை, விஸ்வகணபதி பூஜை, புண்யாகவாஜனம், கடஸ்தாபனம், விஸ்வர்ம ஸகஸ்ர நாம பாராயணம், விஸ்வகர்ம சூக்தம், அஷ்டகம், உபநித், வேத பாராயணம், அபிஷேகம் நடந்தது. பின்பு சுவாமிக்கு சிறப்பு அலங்காரம் செய்து, மஹா தீபாராதனை காண்பிக்கப்பட்டது. ஏராளமான பக்தர்கள் சுவாமி தரிசனம் செய்தனர்.