இங்கு சிறுவர் முதல் பெரியவர்கள் வரை நடைப்பயிற்சி செல்ல வசதி, சிறுவர்கள் விளையாட உபகரணங்கள், கழிவறை வசதி என அனைத்தும் உள்ளது. இந்நிலையில் கடந்த சில மாதங்களாக திறக்கப்படாமல் பூட்டி கிடக்கிறது. இதனால், பூங்கா குப்பை கூடமாக காட்சியளிக்கிறது. நுழைவுவாயில் கேட் அருகில், மலை போல் இலை, குப்பை தேக்கி வைக்கப்பட்டுள்ளது. மக்கள் பயன்பாட்டுக்கு கட்டிய பூங்காவை, பூட்டி வைத்திருப்பது எந்த வகையில் நியாயம்? என்கின்றனர் அப்பகுதி மக்கள்.

இதுகுறித்து விசாரித்தபோது, பூங்காவை பராமரிக்க, கவனித்து கொள்ள அசோசியேசன் வசம் பொறுப்பை ஒப்படைக்க முடிவு செய்துள்ளனர். இதற்காக சில அமைப்புகளிடம் பேச்சுவார்த்தை நடக்கிறது. இதில் ஏதாவது ஒரு அமைப்பு மாட்டும். அவர்கள் தலையில் கட்டலாம் எனவும், மாநகராட்சி நிர்வாகம் முடிவு செய்துள்ளதாக தெரிகிறது.