தியாகதுருகம் அடுத்த பள்ளிப்பட்டு கிராமத்தைச் சேர்ந்த மாணிக்கம் மகன் கண்ணன், 67; விவசாயி.இவர்மீது கடந்த 3ம் தேதி வீ. பாளையம் கிராமத்தை சேர்ந்த வீரமுத்து மகன் விக்னேஷ்,19; ஓட்டிச் சென்ற மோட்டார் சைக்கிள் மோதியது.இதையடுத்து அவர்களுக்குள் தகராறு ஏற்பட்டது.

கண்ணன் தரப்பில் அவரது மகன் மாசிலாமணி, 40; ஏழுமலை மனைவி பச்சையம்மாள், 45; பாண்டியன் மனைவி ரேவதி, 38; ஆகியோரும் விக்னேஷ் தரப்பில் அவரது தாய் மாமன்கள் சக்திவேல், 39; ஏழுமலை, 47; மணிகண்டன், 37; ராமலிங்கம் மகன் அய்யனார், 27; ஆகியோரும் சேர்ந்து ஒருவரை ஒருவர் தாக்கிக் கொண்டனர்.

இது குறித்து இரு தரப்பினரும் தனித்தனியே கொடுத்த புகாரின் படி தியாகதுருகம் போலீசார் 8 பேர் மீது வழக்கு பதிவு செய்து மணிகண்டனை கைது செய்தனர்.