கள்ளக்குறிச்சி போக்குவரத்து சப்-இன்ஸ்பெக்டர் பாலமுருகன் நேற்று முன்தினம் இரவு 7 மணியளவில் கள்ளக்குறிச்சி நான்குமுனை சந்திப்பு பகுதியில் வாகன தணிக்கையில் ஈடுபட்டார்.

அப்போது, அவ்வழியாக டிஎன்15 ஒய்3006 என்ற பதிவெண் கொண்ட ஸ்பிளெண்டர் பிளஸ் பைக்கினை நிறுத்தி சப்-இன்ஸ்பெக்டர் பாலமுருகன் சோதனை செய்தார்.

அதில், பைக்கில் வந்தவர் புத்தந்துாரை சேர்ந்த அய்யம்பெருமாள் மகன் குமார்,44; என்பதும், மதுபோதையில் இருந்ததும் தெரிந்தது.

இதனையடுத்து போக்குவரத்து போலீசார் குமாருக்கு அபராதம் விதித்தனர். இதனால் கோபமடைந்த குமார் சப்-இன்ஸ்பெக்டர் பாலமுருகனை பணி செய்ய விடாமல் தடுத்து, அசிங்கமாக திட்டி கொலை மிரட்டல் விடுத்தார். மேலும், நான்குமுனை சந்திப்பு பகுதியில் சாலையின் குறுக்கே குமார் படுத்துக்கொண்டு போக்குவரத்துக்கு இடையூறு ஏற்படுத்தினார்.

இதையடுத்து கள்ளக்குறிச்சி போலீசார் குமாரை கைது செய்தனர்.