சின்னசேலம் அடுத்த ராயப்பனுாரைச் சேர்ந்தவர் அத்தியப்பன், 45; இவர், ராயப்பனுார் மின்வாரிய அலுவலகத்தில் ஒயர்மேனாக பணிபுரிந்தார். நேற்று காலை 8:30 மணியளவில் சமத்துவபுரம் பகுதியில் உள்ள டிரான்ஸ்பார்மரில் பழுது ஏற்பட்டுள்ளது. இதை சரிசெய்யும் பணியில் அத்தியப்பன் ஈடுபட்டார். அப்போது, அத்தியப்பன் மீது மின்சாரம் தாக்கியது.

உடன் அவரை மீட்டு சின்னசேலம் அரசு மருத்துவமனைக்குக் கொண்டு செல்லும் வழியில் அத்தியப்பன் இறந்தார்.

புகாரின் பேரில் சின்னசேலம் போலீசார் வழக்குப்பதிந்து விசாரிக்கின்றனர்.