கள்ளக்குறிச்சி மாவட்டத்தில் உள்ள 227 பள்ளிகளில் இருந்து 10ம் வகுப்பு பொதுத் தேர்வு எழுதிய 19 ஆயிரத்து 474 மாணவ, மாணவிகளில் 16 ஆயிரத்து 925 பேர் தேர்ச்சி பெற்றனர். தேர்ச்சி சதவீதம் 86.91 சதவீதம் ஆகும்.

கடந்தாண்டைவிட 0.08 சதவீதம் கூடுதல் தேர்ச்சி பெற்ற போதிலும், மாநில பட்டியலில் கடந்தாண்டு இருந்த 34 வது இடத்தில் இருந்து 37 வது இடத்திற்கு தள்ளப்பட்டுள்ளது.

பிளஸ் 1 தேர்வை 123 பள்ளிகளில் இருந்து தேர்வு எழுதிய 17 ஆயிரத்து 191 மாணவ, மாணவிகளகில் 15 ஆயிரத்து 471 பேர் தேர்ச்சி பெற்றுள்ளனர்.

தேர்ச்சி சதவீதம் 89.99 ஆகும். கடந்தாண்டைவிட 3.99 சதவீதம் கூடுதலாக தேர்ச்சி பெற்று, மாநில அளவில் 29ம் இடத்திற்கு முன்னேறியுள்ளது.

மாவட்டத்தில் 8 அரசு பள்ளிகள் உட்பட 24 பள்ளிகள் 100 சதவீதம் தேர்ச்சி பெற்றுள்ளன.