ரிஷிவந்தியத்தில் 1,500 ஆண்டுகள் பழமை வாய்ந்த முத்தாம்பிகை சமேத அர்த்தநாரீஸ்வரர் கோவிலில் சுவாமி தரிசனம் செய்ய வரும் பக்தர்கள் காணிக்கை செலுத்த 4 உண்டியல்கள் வைக்கப்பட்டுள்ளது.

இந்து சமய அறநிலையத்துறை சரக ஆய்வாளர் புருஷோத்தமன் மேற்பார்வையில், 5 மாதங்களுக்கு பிறகு கோவிலில் உள்ள உண்டியல்கள் நேற்று திறக்கப்பட்டது. செயல் அலுவலர் அருள், கோவில் பணியாளர்கள் விமல்ராஜ், சக்திவேல், ஆதிகேசவன் மற்றும் சிலர் காணிக்கை பணம் எண்ணும் பணியில் ஈடுபட்டனர்.

அதில், 1 லட்சத்து 14 ஆயிரத்து 795 ரூபாய், 10.5 கிராம் எடையுள்ள தங்கம் மற்றும் 28.9 கிராம் எடை கொண்ட வெள்ளி பொருட்கள் இருந்தது. தொடர்ந்து, காணிக்கை பணம் வங்கி கணக்கில் செலுத்தப்பட்டது.