கள்ளக்குறிச்சி மாவட்டத்தில் உள்ள தொடக்க வேளாண்மை கூட்டுறவு கடன் சங்கங்கள் மூலமாக பொட்டாஷ், யூரியா, மருந்து உள்ளிட்ட பல்வேறு வகையான விவசாய இடுபொருட்கள் விற்பனை செய்யப்படுகின்றன.

இதில், கே.ஆலத்துார் தொடக்க வேளாண்மை கூட்டுறவு கடன் சங்கத்தில் உள்ள உரக்கிடங்கினை தமிழ்நாடு கூட்டுறவு உர விற்பனை இணையத்தின் கூடுதல் பதிவாளர் முத்துகுமாரசாமி நேற்று ஆய்வு செய்து, உரங்களின் இருப்பு, பதிவேடுகள், விற்பனை விபரங்கள் குறித்து பார்வையிட்டார்.

அதேபோல, சின்னசேலம் தொடக்க வேளாண்மை கூட்டுறவு கடன் சங்க உரக்கிடங்கு மற்றும் கூட்டுறவு காய்கறி அங்காடியினை பார்வையிட்டார். அப்போது, மண்டல இணைப்பதிவாளர் முருகேசன், துணைப்பதிவாளர்கள் சுகந்தலதா, சுரேஷ், கூட்டுறவு சார்பதிவாளர் லட்சுமி, சங்க செயலாளர் மாணிக்கம் உள்ளிட்டோர் உடன் இருந்தனர்.