கள்ளக்குறிச்சி கலெக்டர் அலுவலக வளாகத்தில் துவங்கிய ஊர்வலத்தை, கலெக்டர் பிரசாந்த் கொடியசைத்துத் தொடங்கி வைத்தார். 50க்கும் மேற்பட்ட காதுகேளாத மாற்றுத் திறனாளிகள் காதுகேளாதவர்களை நட்புறவுடன் நடத்துவது குறித்து விழிப்புணர்வு பதாகைகளை ஏந்திச் சென்றனர்.

ஊர்வலம், நகரின் முக்கிய சாலைகள் வழியாக சென்று மந்தைவெளி பகுதியில் முடிந்தது. மாவட்ட மாற்றுத்திறனாளிகள் நல அலுவலர் சுப்ரமணி, காதுகேளாதோர் சங்க பிரதிநிதிகள் உட்பட பலர் பங்கேற்றனர்.