சங்கராபுரம் அடுத்த ச.செல்லம்பட்டு கிராமத்தை சேர்ந்தவர் முத்து மகன் ஏழுமலை 58.

இவரது தம்பி ராதாகிருஷ்ணன் 55. அண்ணன் தம்பி இருவருக்குமிடையே நிலம் சம்பந்தமாக பிரச்னை ஏற்பட்டு அது மோதலாக மாறியது.

இரு தரப்பினரும் ஒருவரை ஒருவர் திட்டி தாக்கிக் கொண்டனர்.

இது குறித்து ஏழுமலை கொடுத்த புகாரின் பேரில் ராதாகிருஷ்ணன், இவரது மகன்கள் பிரதாப், பிரவீன், மற்றும் தாகப்பிள்ளை ஆகியோர் மீதும், ராதாகிருஷ்ணன் கொடுத்த புகாரின் பேரில் ஏழுமலை, இவரது மகன்கள் சிலம்பரசன், தில்லைக்கரசு ஆகியோர் மீது சங்கராபுரம் போலீசார் வழக்கு பதிந்து விசாரித்து வருகின்றனர்.