கள்ளக்குறிச்சி மாவட்டத்தில் உள்ள நான்கு சட்டசபை தொகுதிகளில் ஓட்டுச்சாவடி நிலை அலுவலர்கள் மூலமாக சிறப்பு தீவிர திருத்த பணிகள் நடந்து வருகிறது. இதில் கள்ளக்குறிச்சி தொகுதி, சின்னசேலம் பகுதியில் ஓட்டுச்சாவடி நிலை அலுவலர்கள் சிறப்பு தீவிர திருத்தம் தொடர்பாக கணக்கீட்டு படிவங்களை வாக்காளர்களிடமிருந்து சேகரித்து பதிவேற்றம் செய்து வருகின்றனர்.

சின்னசேலம் அருகே நயினார்பாளையம், கருந்தலாக்குறிச்சி, வி.மாமாந்துார், கூகையூர், குரால், காளசமுத்திரம் ஆகிய கிராமங்களில் சிறப்பு தீவிர திருத்தம் பணிகளை கலெக்டர் பிரசாந்த் நேற்று ஆய்வு செய்தார். தொடர்ந்து, சிறப்பு தீவிர திருத்த பணி மேற்கொள்ளும் ஓட்டுச்சாவடி நிலை அலுவலர்கள் பணிகளை முறையாக மேற்கொள்ள வேண்டும் என்று அறிவுறுத்தினார். அப்போது சின்னசேலம் தாசில்தார் வினோத்பாபு உள்ளிட்ட அலுவலர்கள் பலர் உடனிருந்தனர்.