தஞ்சாவூரில் மலேசியா, இலங்கை மற்றும் நாட்டின் பல மாநிலங்களை சேர்ந்த மாணவர்கள் பங்கேற்ற, சர்வதேச கராத்தே போட்டி கடந்த வாரம் நடந்தது. இதில், மூங்கில்துறைப்பட்டு வீரம் விளையாட்டு மேம்பாட்டு அறக்கட்டளையைச் சேர்ந்த 17 மாணவர்கள் பங்கேற்றனர். இதில், 4 மாணவர்கள் முதலிடமும், 7 மாணவர்கள் 2வது இடமும், 6 மாணவர்கள் மூன்றாம் இடம் பிடித்தனர்.

வெற்றி பெற்ற மாணவர்களுக்கு வீரம் விளையாட்டு மேம்பாட்டு அறக்கட்டளை சார்பில் நேற்று பாராட்டு விழா நடந்தது. பயிற்சியாளர்கள் அண்ணாமலை, வின்சென்ட் ராஜ், விக்கி ஆகியோர் மாணவர்களுக்கு சால்வை அணிவித்து நினைவு பரிசு வழங்கினர்.