அரகண்டநல்லுார் அடுத்த ஒட்டம்பட்டு கிராமத்தில் கஞ்சா விற்பனை செய்யப்படுவதால் கிராமத்தில் அவ்வப்போது, தகராறு ஏற்படுவதாக போலீசாருக்கு கிடைத்த தகவலின் போரில் அரகண்டநல்லுார் போலீசார் ஒட்டம்பட்டு கிராமத்திற்கு சென்று ராஜேந்திரன் மகன் தினேஷ், 23; உள்ளிட்ட சந்தேக நபர்கள் குறித்து விசாரணை செய்தனர்.

இதனால் ஆத்திரமடைந்த ராஜேந்திரன் மனைவி அம்பிகா, மகன்கள் தினேஷ், 23; வினோத், 21; மற்றும் 2 பேர் சேர்ந்து, ஊராட்சி தலைவரான முருகன், 46; வீட்டிற்கு சென்று தங்களைப் பற்றிய தகவல் நீதான் போலீசுக்கு கொடுக்கிறாய் எனக்கூறி திட்டி கொலை மிரட்டல் விடுத்தனர்.

ஊராட்சித் தலைவர் முருகன் கொடுத்த புகாரின் பேரில் தினேஷ், வினோத் உட்பட 5 பேர் மீது அரகண்டநல்லுார் போலீசார் வழக்கு பதிந்து வினோத்தை கைது செய்தனர்.