தியாகதுருகம் அடுத்த பள்ளிப்பட்டு கிராமத்தைச் சேர்ந்த தங்கவேல் மகன்கள் சோலையன், 65; ராமலிங்கம், 53; இவர்களுக்குள் தங்களின் பூர்வீக சொத்தை பிரித்துக் கொள்வதில் பிரச்னை இருந்து வந்தது.

இந்நிலையில் இவர்களுக்குள் கடந்த 31ம் தேதி தகராறு ஏற்பட்டு இருவரும் தங்களின் ஆதரவாளர்களுடன் ஒருவரை ஒருவர் தாக்கிக் கொண்டனர்.

இதுகுறித்து சோலையன் மற்றும் ராமலிங்கம் ஆகியோர் தியாகதுருகம் போலீசில் புகார் கொடுத்தனர்.

அதன்படி சோலையன் தரப்பில் சிவபெருமான், 48; பூபதி, 21; லட்சுமி, 42; மீதும், ராமலிங்கம் தரப்பில் அளித்த புகாரின்பேரில் செல்வம், 27; மணி, 32; உள்ளிட்ட 7 பேர் மீது போலீசார் வழக்கு பதிவு செய்து விசாரித்து வருகின்றனர்.