கச்சிராயபாளையம் அடுத்த மட்டப்பாறை கிராமத்தைச் சேர்ந்தவர் வேலாயுதம், 74; விவசாயி. இவர் ஆடுகள் வளர்த்து வந்ததால், தினமும் இரவு நேரங்களில் கொட்டகையில் உறங்குவது வழக்கம்.

நேற்று முன்தினம் இரவு ஆட்டு கொட்டகைக்கு உறங்கச் சென்றார். நேற்று காலை 8:30 மணிக்கு,

புடவையில் தூக்கிட்டு ஆட்டு கொட்டகையில் சடலமாக கிடந்தார்.

கச்சிராயபாளையம் போலீசார் முதியவரின் உடலை மீட்டு கள்ளக்குறிச்சி அரசு மருத்துவக் கல்லுாரி மருத்துவமனைக்கு பிரேத பரிசோதனைக்கு அனுப்பி வைத்தனர்.

இது குறித்து வழக்கு பதிந்து விசாரித்து வருகின்றனர்.