கள்ளக்குறிச்சி அடுத்த புத்தந்துார் முத்துமாரியம்மன் கோவில் தேர் மற்றும் தீமிதி திருவிழா கடந்த 20ம் தேதி கொடியேற்றத்துடன் துவங்கியது. தொடர்ந்து நாள்தோறும் அம்மனுக்கு சிறப்பு அலங்காரம் செய்து சுவாமி வீதியுலா நடந்தது. நேற்று முன்தினம் காலை 9:00 மணிக்கு காத்தவராயன் ஆரியமாலா திருக்கல்யாண வைபவம், அம்மனுக்கு பொங்கல் வைக்கும் வழிபாடு நடந்தது.

அதைத்தொடர்ந்து நேற்று தேர் திருவிழா நடந்தது. மாலை 3 மணிக்கு முத்துமாரியம்மன் சிறப்பு அலங்காரத்தில் தேரில் எழுந்தருளினார். மகா தீபாராதனைக்கு பின்பு, தேரோடும் வீதிகளின் வழியாக பக்தர்கள் தேர்வடம் பிடித்து இழுத்து சென்றனர். மாலை 6 மணிக்கு நடந்த தீ மிதி திருவிழாவில் ஏராளமான பக்தர்கள் பங்கேற்று தீ மிதித்தனர். விழாவிற்கான ஏற்பாட்டுகளை கிராம மக்கள் செய்திருந்தனர்.