கள்ளக்குறிச்சி மார்க்கெட் கமிட்டிக்கு நேற்று மக்காச்சோளம் 390 மூட்டை, எள் 20, மணிலா 5, உளுந்து 2 மூட்டை என 417 மூட்டை விளை பொருட்கள் விற்பனைக்கு கொண்டு வரப்பட்டது. சராசரியாக ஒரு மூட்டை மக்காச்சோளம் 2,298 ரூபாய்க்கும், எள் 5,911, மணிலா 6,895, உறுந்து 4,460 ரூபாய்க்கு கொள்முதல் செய்யப்பட்டது. கமிட்டியில் மொத்தமாக நேற்று ஒரு நாள் மட்டும், 10 லட்சத்து 98 ஆயிரத்து 326க்கு வர்த்தகம் நடந்தது.

சின்னசேலம் மார்க்கெட் கமிட்டியில் நேற்று மக்காச்சோளம் 10 மூட்டை விற்பனைக்கு கொண்டு வந்தனர். சராசரியாக மக்காச்சோளம் 2,353 ரூபாய்க்கு கொள்முதல் செய்யப்பட்டு, மொத்தம் 25 ஆயிரத்து 530 ரூபாய்க்கு வர்த்தகம் நடந்தது.

தியாகதுருகம் கமிட்டியில் நெல் 400 மூட்டை, மக்காசோளம் 40, கம்பு 2 மூட்டை என மொத்தம் 442 மூட்டை விளைபொருட்கள் விற்பனைக்கு கொண்டு வந்தனர். சராசரியாக நெல் 2,350 ரூபாய்க்கும், மக்காசோளம் 2,235, கம்பு 2,550 ரூபாய்க்கு என 6 லட்சத்து 20 ஆயிரத்து 225 ரூபாய்க்கு வர்த்தகம் நடந்தது.