பள்ளி கல்வித்துறை சார்பில் மாவட்ட அளவிலான சிலம்ப போட்டி கள்ளக்குறிச்சி அரசு ஆண்கள் மேல்நிலை பள்ளியில் நடந்தது. இதில் சங்கராபுரம் சூர்யா ஸ்போட்ஸ் கிளப் மாணவிகள் அரிஷ்மா,சுவேதா,நிஷாலினி,ரோஸ்லின் ஆகியோர் ஒற்றைகம்பு, இரட்டை கம்பு பிரிவுகளில் கலந்து கொண்டு விளையாடி தங்கம் மற்றும் வெள்ளி பதக்கம் வென்றனர்.இப் போட்டியில் மாணவிகள் அரிஷ்மா மற்றும் சுவேதா முதலிடம் பிடித்து மாநில அளவில் நடக்க இருக்கும் சிலம்ப போட்டிக்கு தகுதி பெற்றுள்ளனர்.

வெற்றி பெற்ற மாணவிகளை பயிற்சியாளர் சூரியமூர்த்தி, தமிழ் செல்வன் ஆகியோர் பாராட்டினர்.