கள்ளக்குறிச்சி அடுத்த கொங்கராயபாளையம் சேர்ந்த முருகேசன் மகன் செல்லமுத்து, 42; கடந்த 1ம் தேதி ஆயுத பூஜையை முன்னிட்டு தனது டாடா ஏஸ் வாகனத்திற்கு பூஜை செய்து வீட்டின் முன்பு நிறுத்தி வைத்திருந்தார். வாகனத்தில் வாகன உதிரி பாகங்கள் வைக்கப்பட்டு இருந்தது. நள்ளிரவு 12:00 மணிக்கு திடீரென வாகனத்தில் இருந்த சில பொருட்கள் தீயில் எரிந்தது. செல்லமுத்து மற்றும் அக்கம் பக்கத்தினர் தண்ணீர் ஊற்றி தீயை அணைத்தனர்.

இது தொடர்பாக செல்லமுத்து கொடுத்த புகாரின் பேரில் வரஞ்சரம் போலீசார் வழக்கு பதிந்து விசாரித்து வருகின்றனர்.