அதன்படி, இந்த ஆண்டுக்கான விழா கடந்த 9ம் தேதி காப்பு கட்டுதல் நிகழ்ச்சியுடன் துவங்கியது. தொடர்ந்து, மூன்று நாட்கள் காலை மற்றும் மாலை நேரங்களில், அம்மனுக்கு தீபாராதனை மற்றும் சிறப்பு பூஜைகள் நடைபெற்றன.

நேற்று முன்தினம் காலை 10:00 மணிக்கு, குடம் அலங்காரத்தில் அம்மன் எழுந்தருளி பக்தர்களுக்கு அருள்பாலித்தார். தொடர்ந்து, குடம் அலங்காரத்தில் அம்மனின் வீதியுலா நிகழ்ச்சி நடந்தது.

அப்போது, பம்பை உடுக்கை அடித்து அம்மனை வர்ணித்து பாடல்கள் பாடப்பட்டது. மதியம் 2:00 மணிக்கு, கோவில் வளாகத்தில் கூழ்வார்த்தல் நிகழ்ச்சியும், இரவு 8:00 மணிக்கு மலர் அலங்காரத்தில் அம்மன் வீதியுலா நிகழ்ச்சியும் நடந்தது.