காஞ்சிபுரம் அருகே அய்யங்கார்குளம் ஊராட்சியில் உள்ள தனியார் திருமண மண்டபத்தில், கலெக்டர் கலைச்செல்வி தலைமையில், 'மக்களுடன் முதல்வர்' திட்ட முகாம் நேற்று நடந்தது.

இதில், உத்திரமேரரூர் தி.மு.க., - -எம்.எல்.ஏ., சுந்தர் பங்கேற்றார். இம்முகாமில், பொதுமக்களிடம் மனுக்கள் பெற்று, குறைகளை கேட்டறிந்தனர். பயனாளிகளுக்கு முதலமைச்சரின் மருத்துவ காப்பீட்டு அட்டைகள் மற்றும் சான்றிதழ்களை வழங்கினர்.

காஞ்சிபுரம் மாவட்டத்தில் மக்களுடன் முதல்வர் திட்டத்தில், நகர்ப்புற பகுதிகளில் முதற்கட்டமாக மாநகராட்சியில் 8 முகாம்கள், நகராட்சியில் 4 முகாம்கள், பேரூராட்சியில் 3 முகாம்கள், நகர்ப்புறத்தினை ஒட்டியுள்ள கிராம பஞ்சாயத்துகளில் 15 முகாம்கள் என ஆக மொத்தம் 30 முகாம்கள் நடத்தி முடிக்கப்பட்டது.