கடந்த 23ம் தேதி, தனது அறை அருகே உள்ள கடைக்கு சென்றார். அங்கு வந்த நான்கு இளைஞர்கள், இளம்பெண்ணை கத்தியை காட்டி, அங்கிருந்து வலுக்கட்டாயமாக அழைத்து சென்று, மறைவான இடத்தில் வைத்து பாலியல் பலாத்காரம் செய்ய முயன்றுள்ளனர்.

இளைஞர்களிடம் இருந்து தப்பிய இளம்பெண், காஞ்சிபுரம் அனைத்து மகளிர் காவல் நிலையத்தில் புகார் அளித்தார். புகாரின்படி, போலீசார் விசாரணை நடத்தினர். இதில், கோனேரிக்குப்பம் கிராமத்தைச் சேர்ந்த ரங்கா, 22, சதீஷ்குமார், 25, சந்திரசேகரன், 22, ஆகிய மூன்று பேரை நேற்று முன்தினம் போலீசார் கைது செய்தனர்.

தலைமறைவான வெங்கடேசன் என்பவரை தேடி வருகின்றனர். கைது செய்யப்பட்ட மூன்று பேரில், ரங்கா மற்றும் சதீஷ்குமார் ஆகிய இருவர் மீதும் பல்வேறு வழக்குகள் நிலுவையில் உள்ளது தெரியவந்துள்ளது.