இதையடுத்து, பழைய கட்டடம் முழுமையாக இடிக்கப்பட்டு, கட்டடம் கட்டுவதற்கான பணிகள் தயாராகி வருகின்றன. இதற்கிடையே, கடந்த பிப்ரவரி மாதம் நகர்ப்புற உள்ளாட்சி துறை அமைச்சர் நேரு, புதிய மாநகராட்சி கட்டடம் கட்டுவதற்கான அடிக்கல் நாட்டினார்.

புதிய மாநகராட்சி கட்டடத்தின் முகப்பு வரைபடம் தற்போது வெளியாகியுள்ள நிலையில், சகல வசதியுடன் புதிய கட்டடம் கட்டப்பட உள்ளதாக மாநகராட்சி அதிகாரிகள் தெரிவிக்கின்றனர்.

தரைதளம் முழுதும் வாகன நிறுத்துமிடமாகவும், முதல் தளம் பொறியாளர் பிரிவு, வருவாய் பிரிவு, சுகாதார பிரிவு போன்றவையும், இரண்டாம் தளம் கமிஷனர் அறை, மேயர் அறை, கூட்டரங்கு போன்றவையும் அமைக்க திட்டமிடப்பட்டுள்ளதாக மாநகராட்சி அதிகாரிகள் தெரிவிக்கின்றனர்.

கட்டடம் கட்டுவதற்கான பூர்வாங்க பணிகள் துவங்கி உள்ளதாகவும், அடுத்த ஆறு மாதங்களில் கட்டட பணிகள் பெரும்பாலும் முடிவுக்கு வரும் என்கின்றனர்.