பழமையான இக்கோவிலை புதுப்பித்து கும்பாபிஷேகம் நடத்த அனந்தஜோதி தெரு, மடம் தோட்ட தெரு, சேலைராமசாமி தெருவினர் முடிவு செய்தனர். அதன்படி, கோவிலில் பல்வேறு திருப்பணிகள் சமீபத்தில் செய்து முடித்தனர்.

இதை தொடர்ந்து, கும்பாபிஷேகத்தையொட்டி இன்று காலை 8:00 மணிக்கு விக்னேஸ்வர பூஜையுடன் யாகசாலை பூஜை துவங்குகிறது. நாளை காலை 9:45 மணிக்கு கலச புறப்பாடும், தொடர்ந்து நவநீத கிருஷ்ணருக்கு புனிதநீர் ஊற்றி கும்பாபிஷேகம் நடத்தப்படுகிறது.

காலை 11:00 மணிக்கு மஹா அபிஷேகமும், திருமஞ்சனம், அலங்காரம், மஹாதீபாரதனையும், இரவு 7:00 மணிக்கு நவநீத கிருஷ்ணர் வீதியுலா நடைபெறுகிறது.