சமணர்களின் அடையாளமாகத் திகழும் பழமையான இக்கோவில்கள், தமிழ்நாடு தொல்லியல் துறை கட்டுப்பாட்டில் உள்ளது.

இக்கோவிலுக்கு காஞ்சிபுரம் மற்றும் சுற்றியுள்ள பகுதியைச் சேர்ந்த சமணர்கள் பலர் தினமும் வழிபட்டு செல்கின்றனர்.

பல்வேறு வரலாற்று சிறப்புமிக்க இக்கோவிலில், மஹாவீரர் ஜெயந்தி விழா மற்றும் பகவானின் ஜினகாஞ்சி வீதியுலா வரும் 5ம் தேதி நடக்கிறது.

விழாவையொட்டி அன்று மாலை 4:00 மணிக்கு மண்டகபடி மற்றும் சிறப்பு ஆராதனை நடக்கிறது. தொடர்ந்து கோவிலில் இருந்து பகவானின் ஜின காஞ்சி வீதியுலா 5:00 மணிக்கு துவங்குகிறது.

இதில், திருப்பருத்திக்குன்றம் மாட வீதி, கலெக்ட்ரேட் வழியாக மேட்டுத் தெரு ஜினாலயம், காந்தி சாலை, வள்ளல் பச்சையப்பன் தெரு, கீரை மண்டபம், காவலான்கேட், வந்தவாசி சாலை, வேதாச்சலம் நகர், தமிழ்நாடு வீட்டுவசதி வாரிய குடியிருப்பு, திருப்பருத்திக்குன்றம் சாலை வழியாக பகவான் வீதியுலா மீண்டும் கோவில் செல்கிறது.

விழாவிற்கான ஏற்பாட்டை அறங்காவலர் நந்திமித்ரன் விழாக் குழுவினர், சமண சமய சான்றோர், தர்மதேவி கோலாட்ட குழுவினர் மற்றும் ஜின காஞ்சி திருப்பருத்திக்குன்றம் பகுதி மக்கள் இணைந்து செய்துள்ளனர்.