இக்கோவிலில், ஆண்டுதோறும் சிவராத்திரி அன்று, பக்தர்கள் பால்குடம் எடுத்து சென்று வழிபடுவது வழக்கம். அதன்படி, சிவராத்திரி தினத்தையொட்டி, நேற்று காலை நஞ்சுண்டேஸ்வரர் சிறப்பு அலங்காரத்தில் காட்சியளித்தார்.

அப்போது, சுவாமிக்கு அர்ச்சனை மற்றும் அபிஷேகம் செய்யப்பட்டது. தொடர்ந்து, காலை 10:00 மணிக்கு, அரும்புலியூர் கொட்டாலத்தம்மன் கோவிலில் இருந்து பால்குட ஊர்வலம் புறப்பட்டது.

அப்பகுதியின் முக்கிய வீதிகள் வழியாக சென்ற ஊர்வலம், அரும்புலியூர் படவேட்டம்மன் கோவில் தெரு வழியாக, நஞ்சுண்டேஸ்வரர் கோவிலை சென்றடைந்தது. பெண் பக்தர்கள் சுவாமிக்கு பால் அபிஷேகம் செய்து வழிபட்டனர்.