ஸ்ரீபெரும்புதுார், பிள்ளைபாக்கம் உள்ளிட்ட சிப்காட் தொழிற்பூங்காகளில் இயங்கிவரும் தொழிற்சாலைகளுக்கு மூலப்பொருட்கள் மற்றும் உற்பத்தி செய்த பொருட்களை ஏற்றி கொண்டு, தினமும் ஆயிரக்கணக்கான கனரக வாகனங்கள் இந்த சாலையில் சென்று வருகின்றன.

வாகன போக்குவரத்து அதிகம் உள்ள இந்த சாலையில், பல இடங்கள் சேதமடைந்து குண்டும், குழியுமாக மாறியுள்ளது. குறிப்பாக, வெங்காடு சந்திப்பில் சாலை பல்லாங்குழியாக மாறி, மோசமான நிலையில் உள்ளது.

இதனால், இந்த சாலை வழியே செல்லும் வாகன ஓட்டிகள் சிரமமடைந்து வருகின்றனர். குறிப்பாக, இருசக்கர வாகனங்களில் செல்வோர் அடிக்கடி விபத்தில் சிக்கு காயமடைந்து வருகின்றனர்.

எனவே, சம்பந்தப்பட்ட நெடுஞ்சாலைத் துறையினர்,சேதமான சாலையை சீரமைக்க நடவடிக்கை எடுக்க வேண்டும் என, வாகன ஓட்டிகள் கோரிக்கை விடுத்துள்ளனர்.