அரும்புலியூரில், கடந்த பல ஆண்டுகளுக்கு முன் கட்டிய கட்டடத்தில் ஊராட்சிமன்ற அலுவலகம் இயங்கி வந்தது.

இக்கட்டடம் மிகவும் சேதமானதையடுத்து புதிய கட்டடம் ஏற்படுத்த ஊராட்சி நிர்வாகம் சார்பில் தீர்மானிக்கப்பட்டது.

அதன்படி, அரும்புலியூரில் புதியதாக ஊராட்சி அலுவலகம் கட்ட கனிமவள நிதி மற்றும் மகாத்மா காந்தி தேசிய ஊரக வேலைவாய்ப்பு திட்டத்தின் கீழ், 29 லட்சம் ரூபாய் நிதி ஒதுக்கீடு செய்யப்பட்டு, அதற்கான பணி கடந்த சில மாதங்களுக்கு முன் துவங்கி நடைபெற்று வருகிறது.

இதேபோல், சாத்தணஞ்சேரி ஊராட்சியில், அனைத்து கிராம அண்ணா மறுமலர்ச்சி திட்டத்தின் கீழ், 32 லட்சம் ரூபாய் செலவில் ஊராட்சிமன்ற அலுவலகத்திற்கு புதிய கட்டடப் பணி துவக்கப்பட்டு பணி முடியும் நிலையில் உள்ளது.