கட்டுமான பொருட்களை ஏற்றி செல்லும் லாரிகளில், சில அதிக லோடு மற்றும் தார்ப்பாய் போர்த்தாமல் இயங்குகின்றன. இதனால், எம்.சாண்ட் மணல் சாலைகளில் பரவுவதால் இருசக்கர வாகன ஓட்டிகள் மற்றும் சாலையில் நடந்து செல்வோர் பாதிப்புக்குள்ளாகின்றனர்.

இதுகுறித்து, தொடர்ந்து புகார் எழும்பியதையடுத்து, வாலாஜாபாத் வட்டாட்சியர் கருணாகரன் மற்றும் வட்டார போக்குவரத்து அலுவலர் சிவானந்தம் ஆகியோர் அடங்கிய குழுவினர், காஞ்சிபுரம்- - உத்திரமேரூர் சாலை, ஆற்ப்பாக்கம் பகுதியில், விதிமுறைகளை மீறும் வாகனங்கள் குறித்து ஆய்வு மேற்கொண்டனர்.

அதிக லோடு ஏற்றி வரும் லாரிகள் மற்றும் தார்ப்பாய் போர்த்தாமல் எம்.சாண்ட் ஏற்றி செல்லும் லாரிகளை மடக்கி வழக்கு பதிவு மற்றும் அபராதம் விதித்தல் போன்ற நடவடிக்கைகள் மேற்கொண்டனர்.

அப்போது, அளவுக்கு அதிகமாக லோடு ஏற்றி சென்ற 3 லாரிகள் மீது வழக்கு பதிவு செய்து, 2.48 லட்சம் ரூபாய் அபராதம் விதிக்கப்பட்டது.

இதேபோல, காஞ்சிபுரம்- - செங்கல்பட்டு சாலையில், அய்யம்பேட்டை அருகே, அதிக லோடு ஏற்றி வந்த கனரக வாகனம் பறிமுதல் செய்யப்பட்டு, 74 ஆயிரம் ரூபாய் அபராதம் விதிக்கப்பட்டது.