இதனால், இந்த நீர்வரத்து கால்வாய், நாளடைவில் வாலாஜாபாத் குடியிருப்புகளில் இருந்து வெளியேறும் கழிவுநீர் கால்வாயாக மாறியது. தற்போது, கால்வாயில் ஏற்பட்டுள்ள அடைப்புகள் காரணமாக, கழிவுநீர் ஆங்காங்கே தேங்கியுள்ளது.

அதன் ஒரு பகுதியாக, வாலாஜாபாத் பஜார் வீதி அடுத்த முனிசிப் நாராயணசாமி தெருவில், தரைப்பாலத்திற்குள் அடைப்புகள் ஏற்பட்டு கழிவுநீரோடு, குப்பை கழிவுகள் தேக்கமாகி உள்ளது. இதனால், அப்பகுதியில் துர்நாற்றம் மற்றும் கொசு உற்பத்தி அதிகரிப்பு உள்ளிட்ட சுகாதார சீர்கேடுகள் ஏற்பட்டுள்ளது.

எனவே, வாலாஜாபாத் முனிசிப் நாராயணசாமி தெருவில் கழிவுநீர் கால்வாய் அடைப்புகளை சரிசெய்ய நடவடிக்கை எடுக்க வேண்டும் என, அப்பகுதியினர் வலியுறுத்தி உள்ளனர்.