சூரிய பகவானுக்கு அருள்பாலித்ததால், இக் கோவிலில் சூரிய பகவான் தனியாக மேற்கு நோக்கி சிவப்பெருமானை வணங்கியதாக வரலாறு குறிப்பிடுகிறது.

ஹிந்து சமய அறநிலையத் துறை கட்டுபாட்டில் உள்ள இந்த கோவிலில், பல ஆண்டுகளாக எந்த பராமரிப்பு பணிகளும் மேற்கொள்ளவில்லை. இதனால், கோவில் கோபுரம் மற்றும் சுவர் உள்ளிட்டவை முற்றிலும் சேதமடைந்துள்ளது.

மேலும், பக்தர்கள் பங்களிப்புடன் பிரதோஷம், சிவராத்திரி விழா உள்ளிட்டவை நடத்தப்பட்டு வருகிறது. 2,000 ஆண்டு பழமையான இக்கோவிலை, அறநிலையத் துறை கண்டும் காணாமல் உள்ளது.

எனவே, இந்த கோவிலை, தமிழக அரசு உடனடியாக நடவடிக்கை எடுத்து, புனரமைக்க வேண்டும் என, பக்தர்கள் கோரிக்கை விடுத்துள்ளனர்.