இப்பூங்காவில், விளையாட்டு உபகரணங்கள் உடைந்த நிலையிலும், இருக்கைகள் சேதமாகியும் பராமரிப்பு இன்றி இருப்பதாக, மாநகராட்சி கவனத்திற்கு நகரவாசிகள் பலமுறை கொண்டு சென்றனர்.

இந்நிலையில், சமீப நாட்களாக, பூங்காவில் மின் விளக்குகளும் எரிவதில்லை. இரவு 8:00 மணி வரை, பொதுமக்கள் பூங்காவில் அனுமதிக்கப்படுகின்றனர்.

ஆனால், மின் விளக்குகள் கூட எரியாததால், குழந்தைகள், 6:00 மணிக்கே வெளியேறுகின்றனர்.

முதியோர், பெற்றோரால் பூங்காவிற்குள் செல்ல அச்சம் தெரிவிக்கின்றனர். விஷ ஜந்துக்கள் புகலிடமாகவும் இப்பூங்கா மாறியுள்ளது. மின்விளக்குகளை சரிசெய்வதோடு, விளையாட்டு உபகரணங்களை சரி செய்ய மாநகராட்சி நிர்வாகம் நடவடிக்கை எடுக்க நகரவாசிகள் கோரிக்கை விடுத்துள்ளனர்.