இந்நிறுவன தயாரிப்புகளை, ஆர்வலர்கள் விரும்பி வாங்குகின்றனர். இங்கு காட்சிக்கு வைக்கப்பட்டுள்ள திருவள்ளுவர் சிலை, சுற்றுலா பயணியரை வசீகரிக்கிறது.

உலோக தகட்டில் வெட்டி எடுக்கப்பட்ட தமிழ் எழுத்துக்களை, அவர் அமர்ந்திருக்கும் தோற்றத்திற்கேற்ப ஒருங்கிணைத்து, 4 அடி உயர சிலையாக வடிவமைக்கப்பட்டுள்ளது. அதன் விளிம்பு பகுதி மட்டும், பல்வேறு அளவு எழுத்துக்களாக அமைந்து, உட்புறம் கூடாக உள்ளது.

இது குறித்து, பூம்புகார் நிறுவனத்தினர் கூறியதாவது:

இச்சிலையை, கோயம்புத்துாரைச் சேர்ந்த கலைஞர் ஒருவர் வடிவமைத்துள்ளார். இங்கு நடக்கவிருந்த நிகழ்ச்சியில் காட்சிப்படுத்த, இச்சிலை வரவழைக்கப்பட்டது. இச்சிலை பூம்புகார் நிறுவனத்தைச் சேர்ந்தது அல்ல; மீண்டும் கோயம்புத்துாருக்கே அனுப்பி வைக்கப்படும்.

இவ்வாறு அவர்கள் கூறினர்.