இந்த விடுதி முழுதும் பெண்கள் தங்கி பணிபுரிய சிறப்பு வசதிகளுடன் கட்டப்பட்டுள்ளது. விடுதி கட்டுமான பணிகள் முடிவடைந்த நிலையில், முதல்வர் ஸ்டாலின் இன்று மாலை 5:00 மணிக்கு விடுதியை நேரில் திறக்க உள்ளார். இதில், தொழில் துறை அமைச்சர் ராஜா, சிறு, குறு நிறுவனங்கள் துறை அமைச்சர் அன்பரசன் உள்ளிட்டோர் பங்கேற்கின்றனர்.

பாக்ஸ்கான் தொழிற்சாலை நிறுவனத்திடம், இந்த விடுதியை, தொழில்துறை ஒப்படைக்கிறது. பாக்ஸ்கான் நிறுவனத்தில் பணியாற்றும் பெண் ஊழியர்கள், இந்த விடுதியில் தங்கி பணியாற்றலாம்.

இதற்கு கட்டணம் செலுத்த வேண்டும். ஆறு ஊழியர்கள் சேர்ந்து தங்க ஒரு பெரிய அறை, சமையலறை, கழிப்பறை போன்ற வசதிகளுடன் கட்டப்பட்டுள்ளது.

விடுதியில் தங்குவதற்கு, தொழிலாளர்கள் செலுத்தும் கட்டணத்தை, பாக்ஸ்கான் நிறுவனம் வசூலித்து, அரசுக்கு செலுத்தும் வகையில் திட்டமிடப்பட்டுள்ளது.