காஞ்சிபுரம் தி.மு.க., - எம்.எல்.ஏ., எழிலரசன் மருத்துவ முகாமை துவக்கி வைத்தார். காஞ்சிபுரம் லைப்கேர் மருத்துவமனையின் இயக்குனர் தி.அன்புச்செல்வன், பல்லவன் கல்வி அறக்கட்டளையின் தாளாளர் மோதிலால் ஆகியோர் முன்னிலை வகித்தனர்.

சென்னை ராமச்சந்திரா மருத்துவமனையின் இதயவியல் பேராசிரியர் எஸ்.நாகேந்திர பூபதி தலைமையிலான மருத்துவ குழுவினர் இதயநோய் பரிசோதனை மேற்கொண்டனர்.

கண் மருத்துவர் கார்த்திகேயன், பல் மருத்துவர் கணேஷ் தலைமையில் கண், பல் தொடர்பான மருத்துவ பரிசோதனைகளும் செய்யப்பட்டன. முகாமில் ரத்த பரிசோதனை, இ.சி.ஜி., எக்கோ உள்ளிட்ட பரிசோதனை செய்யப்பட்டது. முகாமில் 143 பேர் பங்கேற்றனர். முன்னதாக ரோட்டரி சங்க தலைவர் எஸ்.பிரகாஷ் வரவேற்றார்.