தமிழ்நாடு விளையாட்டு மேம்பாட்டு ஆணையத்தின் சார்பில், காஞ்சிபுரம் மாவட்டத்தில் நகராட்சி, பேரூராட்சிகளுக்கு உட்பட்ட வார்டுகளுக்கு, கலைஞர் விளையாட்டு உபகரணங்கள் வழங்கும் திட்டத்தின் கீழ் விளையாட்டு உபகரணங்கள் வழங்கப்பட்டு வருகின்றன.

காஞ்சிபுரம் கலெக்டர் வளாக மைதானத்தில் நேற்று நடந்த நிகழ்ச்சியில், மாவட்டத்தில் உள்ள 5 ஒன்றியங்களுக்குட்பட்ட, 274 கிராம பஞ்சாயத்துகளுக்கும் 330 விளையாட்டு உபகரணங்கள் வழங்கப்பட்டு உள்ளன.

காஞ்சிபுரம் மாவட்டத்திற்குட்பட்ட 156 வார்டுகளில் 330 விளையாட்டு உபகரணங்களை கைத்தறி துறை அமைச்சர் காந்தி வழங்கினார்.

விழாவில் காஞ்சிபுரம் தி.மு.க., - - எம்.பி., செல்வம், தி.மு.க., -எம்.எல்.ஏ.,க்கள் சுந்தர், எழிலரசன், காஞ்சிபுரம் மாநகராட்சி மேயர் மகாலட்சுமி, காஞ்சிபுரம் ஒன்றிய குழு தலைவர் மலர்க்கொடி, குன்றத்துார் ஒன்றிய குழு தலைவர் சரஸ்வதி மற்றும் உள்ளாட்சி பிரதிநிதிகள் பங்கேற்றனர்.